Директорката на Фондот за здравствено осигурување на Македонија, Маја Парнарџиева, денеска ја посети Општина Илинден каде што имаше средба со градоначалникот Жика Стојановски. Парнарџиева ја посети и првата истурена канцеларија на подрачната служба во Скопје на Фондот за здравствено осигурување во општина Илинден.
Благодарејќи на услугите на канцеларијата што е сместена во зградата на Општина Илинден и е отворена секој работен ден од 8.30 до 16.30 часот, осигурениците, како и фирмите од Општина Илинден, за да ги остварат своите права и правата на своите вработени од областа на здравственото осигурување, веќе не мора да патуваат во центарот на градот, со што заштедуваат и време и пари, известуваат од Општина Илинден.
Услугите на канцеларијата може да ги користат сите граѓани независно од тоа каде живеат и каде работат.
Во Општината е воведен и Е-кат шалтер, услуга во соработка со Агенцијата за катастар на недвижности, каде што на граѓаните им се достапни сите акти што ги издава Катастарот, отворена е дисперзирана канцеларија на Агенцијата за вработување, потоа Канцеларија на Министерството за труд и социјална политика, како и канцеларија на Управата за јавни приходи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
