За разлика од пред неколку ноќи, на синоќешниот репертоар во НБА-лигата беа само 3 натпревара.
Во првиот меч Феникс ја изненади Индијана на гости и успеа да слават со резултат 102-94. Најдобар во победничкиот тим повторно беше Словенецот Горан Драгиќ со 28 поени и 7 асистенции, Грин постигна 16 поени. Кај домаќините најефикасен беше Рој Хиберт со 26 поени и 6 скока, Вест постигна 18, додека пак Хил уфрли 17 поени.
Њујорк Никс му одржа лекција на Кливленд совладувајќи го со резултат 117-86, а натпревар на кариерата имаше Тим Хардавеј Џуниор со 29 поени. Ист број поени постигна и Кармело Ентони, додека Смит натпреварот го заврши со 19 поени. Кај Кливленд, Ирвинг беше најефикасен со 24 поени и 6 скока.
Голден стејт вориорс беа подобри од ЛА Клиперс со резултат 111-92 на домашен терен. Победничкиот тим го предводеа Ли и Кари со по 22 поени и Томпсон со постигнати 16 поени. Најефикасен на натпреварот беше Грифин со 27 поени, Колисон уфрли 22, а Деандре Џордан го заврши натпреварот со 20 скока.
Резултати:
Индијана – Феникс 94:102
Њујорк – Кливленд 117:86
Голден стејт – Клиперс 111:92
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
