Продолжeн рокот за легализација на дивоградбите

Рокот за поднесување на елаборат за легализација на дивоградби е продолжен, па наместо до јуни оваа година, тој ќе трае, до 31.12.2015 година, информираше денеска владиниот портпарол, Александар Ѓорѓиев

Според него станува збор за ново законско решение кое што е испратено до Собранието, а се однесува на проширување на рокот за достава на елаборати.

Овие законски измени се направени со цел да им се излезе во пресрет на геодетските компании и граѓани.

Министерот за транспорт и врски, Миле Јанакиески, истакна дека кога станува збор за легализација на терасите, ќе бидат опфатени сите доградби изградени до трети март 2011-та година. Со законските измени, како што нагласи тој, ќе се допрецизира и постапката за легализација на подземната инфраструктура.

Од вкупно поднесени 350 илјади барања за легализација, досега се легализирани околу 90 илјади дивоградби.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.