Во синоќешните НБА-средби се одигра и дербито на лигата меѓу Мајами и Оклахома. Тимот на Оклахома победи по нејверојатен пресврт со 112-95. Кевин Дурент 12 натпревари по ред постигнува преку 30 поени. Синоќа тој даде 33 поени, а одлична вечер имаше и Ибака со 22 коша. Кај шампионот вообичаено најдобар беше Леброн Џејмс со 34 поени.
Во првата четвртина Мајами со одлична серија во првите пет минтуи поведе со 22-4. Кога сите мислеа дека натпреварот е веќе завршен Оклахома заигра ангажирана одбрана и со брзи контранапади и шут од далечина успеа да ја стопи предноста за подоцна во мечот успее да направи и високи 25 коша разлика. Оклахома погоди 16 тројки од 27 обиди.
Хјустон по победата над Сан Антонио синоќа успеа да победи уште еден тим од Тексас. Овој пат жртва на домаќините беше тимот на Далас. Хјустон славеше со 117-115. Парсонс победи погоди шест тројки, вкупно 26 поени, додека Хауард и Лин додадоа 21 односно 18 коша.
Кевин Лав успеа со својот тим Минесота да го доведе до победа постигнувајќи му 30 поени и 14 скока на Њу Орлеанс. Минесота победи со 88-77 и покрај отсуството на Никола Пековиќ поради повреда. За Њу Орлеанс не настапи Ентони Дејвис кој натпреварот го проследи од клупата поради повреда на прстот.
Натпреварот меѓу Атланта и Детроит не се одигра поради големото снежно невреме кое ја зафати државата Џорџија.
Резултати:
Мајами – Оклахома 95-112, Торонто – Орландо 98-83, Бостон – Филаделфија 94-95, Милвоки – Феникс 117-126, Минесота – Њу Орлеанс 88-77, Далас – Хјустон 115-117, Денвер – Шарлот 98-101, Сан Антонио – Чикаго 86-96, Сакраменто – Мемфис 89-99, ЛА Клиперс – Вашингтон 110-103, Атланта – Детроит (одложен)
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
