Официјалниот профил на Фејсбук на Атланта Хоукс вечерва објавува дека македонскиот репрезентативец Перо Антиќ е избран за натпреварот во кој учествуваат ѕвездите во подем во Американската професионална кошаркарска лига (Rising Stars Challenge).
Во овој меч учествуваат најдобрите играчи од последната ипредпоследната сезона од НБА лигата.
Со тоа Перо Антиќ покрај тоа што е првиот Македонец што заигра во НБА стана и првиот нашинец што заиграл во Ол стар натпреварот за кој сонуваат сите играчи во НБА лигата.
Годинешниот Ол Стар натпревар се игра во Њу Орлеанс од 14 до 16 Фебруари
Своето место во овој натпревар Антиќ го заслужи со одличните игри откако по повредата на центарот Ал Хорфорд тој стана стартер во екипата на Атланта.
Photo by Kevin C. Cox/NBAE/Getty Images
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
