Приштински „Експрес“: Водачот на Албанците во Сирија порано работел за КФОР и НАТО

Косовецот Лавдрим Мухаџери, кој сега е лидер на албанските војници во Сирија, претходно работел за КФОР во кампот „Бондстил“ и за НАТО во Авганистан, пишува приштинскиот весник „Експрес“.

Мухаџери, неодамна преку видео на Јутјуб апелираше до младите Албанци Муслимани да се вклучат во војната во Сирија.

Тој е познат како командант Мухаџери, лани бил избран за командант на Албанците кои војуваат против режимот на Башар Ал-Асад, но не припаѓа на оние кои бараат демократија во Сирија, туку на крилото кое бара Сирија со шериат-групи блиски на Ал каеда. Како работник во „Бондстил“ работел до 2010 година, по што заминал да работи во Авганистан во кампот на НАТО и таму останал околу две години.

Негови пријатели велат дека тој се поврзал со екстремистички движења кон крајот на 2012, најпрво со локалното друштво „Парими“, од кое подоцна се формирало друштвото „Риниа Исламе-Качани“ ( исламска младина-Качаник), каде има позиција на „емир“- водач на военото крило на организацијата.

Во војната во Сирија се приклучил, како муџахедин, во 2012 и по што се вратил во Косово каде останал до средината на месец Рамазан во 2013, па повторно заминал во Сирија.

Весникот „Експрес“ успеал да обезбеди ексклузивни фотографии од Флорим Незирај, кој раководи со Советот на Исламската заедница за Каџаник. Незирај е првиот кој потврдил дека постои раскол меѓу Албанците во Сирија, кои како што деновиве јавија медиумите војуваат и меѓу себе.

Командант Мухаџери ги предводи Албанците од Албанија и од Македонија, кои се нарекуваат „армија на локалци и странци“, која е поврзана со крилото на Ал- Нусра и директно му одговараат на Командантот Ебу Ел Багдади. Тие војуваат против Асад и против војската за ослободување на Сирија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.