Во пожарот што избувна денес во манастирот „Прохор Пчињски“ во делот познат како Кралски конак биле опожарени дел од конакот и комплетната покривна конструкција со површина од околу 400 квадратни метри.
Српската полиција потврдила дека изгорел покривот на конакот во кој спиеле монасите.
За време на пожарот во конакот имало околу 50 монаси и верници поради одбележувањето на Св. Сава. Сите биле навремено евакуирани и нема повредени лица.
Пожарот зафатил уште еден конак во кој изгорела столаријата, но, за среќа, манастирската црква не е оштетена.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
