Џафери на средба со Аврамопулос во Атина

Министерoт за одбрана, Талат Џафери, денеска во Атина ќе се сретне со неговиот грчки колега Димитрис Аврамопулос, јави дописникот на МИА од Атина.

Посетата на Џафери на Атина прво беше закажана за декември минатата година, но во последен момент беше одложена затоа што Аврамопулос замина на погребот на Нелсон Мандела. Двајацата министри за одбрана последен пат се сретнаа со октомври минатата година во Брисел, на маргините на состанокот на Северноатлантскиот совет и на земјите што не се членки на НАТО, а се контрибутори во силите ИСАФ во Авганистан.

На средбата беа потврдени желбите за јакнење на билатералната соработка во областа на одбраната и безбедноста, а соговорниците заеднички ја потврдија и вредноста на дијалогот во надминувањето на сите предизвици и јакнењето на соработката.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.