Во последните 24 часа најмалку 50 лица загинаа од почетокот на уличните протести што вчера избија во Каиро во текот на одбележувањето на тригодишнината од соборувањето од власта на поранешниот египетски претседател Хосни Мубарак.
Ранети 247 лица, додека Министерствто за внатрешни работи објави дека во текот на протестите полицијата уапсила 1.079 лица.
Судирите избија меѓу демонстрантите кои го поддржуваат соборениот исламистички претседател Мохамед Морси и оние кои ја поддржуваат војската, која Морси во јули минатата година го собори од власта, по само една година на чело на државата.
Потоа египетските безбедносни сили покренаа остри мерки против движењето на Морси „Муслиманско братство“, па беа уапсени илјадници исламисти, вклучувајќи го и речиси целото раководство на ова движење, а во судирите до сега загинаа повеќе од 1.000 лица.
фото: ЕПА
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
