Македонската асоцијација на новинари (МАН) остро ги осудува навредите и заканите кон новинарката на „Дневник“, Катерина Нешкова кои следеа по објавување на текстот „Шилегов ги заборавил другите новинари“.
Според оваа асоцијација, новинарката Нешкова професионално ја извршува работата.
– Текстот со наслов „Шилегов ги заборавил другите новинари што имаат фирми“ објавен во викенд изданието (25-26 јануари 2014 година) на „Дневник“ е поткрепен со факти, а не е пишуван паушално без докази. Воедно доказите наведени во текстот се јавно достапни информации. Оттука токму оние кои се сметаат за најголеми поборници за слобода на медиуми, слобода на изразување, селективно гледаат на истите. Кога не им се во прилог фактите тие се закнуваат и навредуваат што е непрофесионално и неетички – се вели во реакцијата од МАН.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
