Франк Рибери по завршувањето на церемонијата за доделување на „Златната топка“ изјави дека му е мило што конечно завршило сѐ и тоа што нема да мора да одговара на прашања во врска со тоа, меѓутоа Французинот спомена дека наградата за најдобар фудбалер на светот, која ја доделува ФИФА, отишла во погрешни раце.
– Не сум лут, но тоа што не ја освоив наградата беше удар за моето семејство. Немојте погрешно да ме разберете, драго ми е што бев во потесната конкуренција, но многумина сметаа дека јас ја заслужувам наградата. Во 2013 година со Баерн Минхен освоив пет трофеи, а Кристијано Роналдо не освои ништо – изјави Рибери.
Наградата за најдобар фудбалер во светот ФИФА му ја додели на играчот на Реал Мадрид, Кристијано Роналдо, а покрај него во конкуренција беа и играчот на Барселона, Лионел Меси, како и Рибери.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
