Балотели: Победата му ја посветивме на Сидорф

Напаѓачот на Милан, Марио Балотели, победата над Верона му ја посвети на новиот тренер Кларенс Сидорф.

Балотели од белата точка го постигна единствениот гол на натпреварот, со кој Милан дојде до 11. позиција на табелата.

– Победата му ја посветуваме на нашиот нов тренер Сидорф, на кого ова му беше првиот и најтежок натпревар. Самите се доведовме во тешка ситуација и знаевме дека мораме да победиме. Игравме практично со четири напаѓачи, го притиснавме противникот – изјави Балотели, кој ја пофали и одлуката на тренерот да ја промени формацијата во 4-2-3-1.

– Ја сакам мојата улога, особено со новата формација, сега добивам повеќе топки. Тоа би можело да би клучно за наредниот период. Се надеваме дека ќе успееме да ги свртиме работите во наша корист – додаде Балотели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.