Вељановски: Да чекориме сигурно по патот на нашата заедничка цел – просперитетна иднина за генерациите што следат

Претседателот на Собранието на Република Македонија, Трајко Вељаноски упати честитка до поглаварот на Македонската Православна Црква-Охридска Архиепископија, г.г. Стефан во која на членовите на Светиот Архиерејски Синод и на сите православни верници им го честита големиот крстијански празник Богојавление-Водици.

– Празнувањето на Богојавление – Водици го симболизира зачетокот на човековото живеење во верата, неговото духовно раѓање и прочистувањето на човековата душа. Со осветување на водите го продолжуваме Христовото учење, преку кое треба да се обединиме, да водиме мирен и спокоен живот и нашата верба да биде силата со која ќе ги издржиме сите предизвици и искушенија, вели Вељаноски во честитката.

Денес, истакнува Вељаноски, православните верници во Македонија го одбележуваат крштевањето на водите која е вековна традиција и која ги зближува и обединува луѓето. Така треба и да продолжиме понатаму, да се поддржуваме и да чекориме сигурно по патот на нашата заедничка цел, а тоа просперитетна иднина за генерациите што следат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.