Панета се пензионира

Се пензионире Леон Панета, Американскиот секретар за одбрана и поранешниот директор на ЦИА каде ја водеше акцијата за апсење на Осама бин Ладен.

На официјалното испраќање во воената база „Мајор Хендерсон“ во Вирџинија, во близина на Пентагон, присуствуваше и американскиот претседател Барак Обама.

Панета пред функцијата секретар за одбрана, две и пол години бил директор на ЦИА и ја водеше акцијата за апсење на лидерот на Ал Каеда, Осама бин Ладен.

Од 1977 до 1993 година, Панета, кој е адвокат по образование, бил конгресмен од редовите на Демократската партија, а следните три години бил шеф на кабинетот кај тогашниот претседател Бил Клинтон.

Тој е основач на Панета институтот за јавна политика, а предавал и на Универзитетот „Санта Клара“ во Калифорнија.

Кон средината на 60-тите години од минатиот век, поминал три години во американската војска, каде стигнал до чинот поручник. По потекло е од Италија, а неговите родители меѓу двете светски војни емигрирале од Калабрија во САД.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.