Синоќа во НБА лигата се одиграа четири натпревари.
Њујорк по петте победи од шест меча доживеаа пораз од Шарлот на гостински терен од 108-98. Ал Џеферсон со 25 поени и осум скока го предводеше својот тим до победа. Кај тимот од „големото јаболко“ Кармело Ентони со 20 поени и Стадемаер со 17 коша беа предводници на својот тим кој грчевито ќе се бори до крајот на сезоната да обезбеди пласман во плејофот.
Индијана со вчерашната победа од 116-92 над Сакраменто ја се искачи на бројката од 30 победи оваа сезона и се изедначи со најдобриот тим од западот Сан Антонио кој исто така има 30 победи. Пол Џорџ имаше одлична вечер и постигна 31 поен. Кај Сакраменто со исто толку поени се истакна Демаркус Казинс додавајќи и 13 скока кои не беа доволни за победа во Индијана.
Мемфис ја изненади Оклахома и славеше со 90-87. И покрај 37 поени на Кевин Дјурант гостите не успеаа да победат. Кортни Ли и Зак Рендолф постигнаа по 24 односно 23 поени за победничката екипа.
Кливленд ја продолжи агонијата на тимот од Лос Анџелес. Тие во „Стејпл центар“ славеа минимално со 120-118. Најефикасен беше новото засулување на Кливленд Луол Денг со 27 поени. Кај „езерџиите“ се истакна Нил Јанг со 28 коша.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
