Општините во Македонија во ноември 2013 година издале 182 одобренија за градење, со вредност на предвидените објекти од 1.958.089 илјади денари, објави Државниот завод за статистика. Предвидена е изградба на 414 станови со вкупна корисна површина од 37.878 м2.
Најголем број одобренија се издадени во Скопскиот регион 48, следи Полошкиот со 44 и Источниот со 30 издадени одобренија за градење.
Од вкупниот број на издадени одобренија за градење, 160 или 87,9 отсто се наменети за објекти од високоградба, 6 или 3,3 отсто за објекти од нискоградба и 16 или 8,8 отсто за објекти за реконструкција.
На 154 или 84,6 отсто како инвеститори се јавуваат физички лица, а на 28 објекти, односно 15,4 отсто инвеститори се деловни субјекти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
