На 11 јануари 2013 година… Тимот на неделникот „Република“ доби уште една задача – да создаде republika.mk, портал кој ќе биде омилено место на публиката, место каде што нашите читатели ќе се информираат брзо и точно за настаните од земјава и од светот, место каде што ќе ги потенцираме успесите на нашите уметници и спортисти, место каде што ќе ве потсетиме на годините наназад, место каде што читатели ќе прочитаат нови и интересни нешта. Идејата беше да создадеме сериозен портал, кој, сепак, ќе има и дел кој ќе ве релаксира и насмее. Благодарение на компактниот тим, на несебичната посветеност на вработените во „Република“, тој портал почна да се создава…
Оттогаш помина точно една година – 11 јануари 2014 година. Вложениот труд и вложеното време се исплатеа. Создадовме страница која има своја публика, публика која критикува, публика која знае да нѐ пофали, публика која знае да ни даде идеи. Во таа година добивме едно признание кое нѐ поттикнува да продолжиме понатаму со многу поголемо темпо и многу поголема креативност.
Тимот на Република
Бевме избрани за сајт на годината со што, вие, нашите читатели, ни ја потврдивте довербата која ја имате во нас, но и ни создадовте обврска уште еднаш да докажеме дека наградата отиде во вистински раце. Тогаш, кога ја добивме наградата, кажавме дека имаме тим кој знае да биде ексклузивен, оригинален, брз, точен, забавен… Тим што понекогаш знае и да згреши, но и да се извини.
Ние сме на почетокот на остварување на она што ни беше зацртано како цел на самиот старт. Има уште многи идеи и планови кои треба да ги реализираме. Затоа останете наши пријатели, бидете со нас, читајте republika.mk, гледајте „Република ТВ“, информирајте се брзо, точно, навремено.
Заеднички да прославиме уште многу родендени на republika.mk
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
