Свиндал со златен медал во спуст

Аксел Лунд Свиндал од Норвешка беше најдобар на денешниот спуст во Шладминг на светското првенство и го освои златниот медал.

Зад двојниот светски шампион во спуст, со 46 стотинки задоцнување до среброто на целта стаса Доминик Парис од Италија, а бронзата му припадна на Давид Поасон од Франција, кој задоцни 97 стотинки зад победникот.

Свиндал кој го имаше стартниот број 17 беше фантастично брз и со време од 2:01,32, најбрзо ја мина патеката во австрискиот ски-центар Шладминг.

Норвежанецот е шестиот алпски скијач во историјата со две злата на светските првенства во спуст. Последен пред него таков подвиг направи Баернар Руси во 1972 година.

Свиндал има вкупно 5 злата од светските шампионати во различни дисциплини.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.