Професорот Стево Пендаровски за „Република“ потврди дека двете фан-страници на социјалната мрежа „Фејсбук“, на кои му се дава поддршка за евентуална негова кандидатура за претседател на Македонија, не се негово дело, ниту, пак, пак знае кој ги направил.
– Јас воопшто не сум присутен на „Фејсбук“, немам ниту мој личен профил таму. Не знам кој ги направил и зошто се тие страни, но јас немам врска со тоа. Не се лутам ниту пријавив во полиција. Оваа ситуација е слична со онаа во 2011 година кога пред предвремените парламентарни избори, исто така на „Фејсбук“, се појави фан-страница со наслов: „Пендаровски за премиер“ – изјави Пендаровски за „Република“.
На една од фан-страниците има 1.589 допаѓања, а креаторите на страната велат дека Пендаровски е човек што може да ја обедини Македонија.
Тој уште еднаш кажа дека инфомациите дека ќе биде кандидат на СДСМ за претседател на Македонија се чиста шпекулација.
– Ниту некој разговорал со мене за тоа ниту ми предложил такво нешто – додаде Пендаровски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
