Утрово, околу 7 часот, на магистралниот пат Куманово – Крива Паланка, кај местото Смилчинци се случи сообраќајна незгода во која животот го загубија две лица.
До несреќата дошло кога автомобил „форд фиеста” со кумановски регистарски таблички поради неприлагодена брзина кон условите на патот, блага поледица и нaвев на коловозот, удрило во автобус со штипски регистарски таблички.
Автомобилот кој се движел во правец од Куманово кон Крива Паланка, бил управуван од Далибор Р.(27) од с.Пелинце, а во истиот како сопатник се превезувал Игор Ѓ.(27) од Куманово. И.Г.(41) од Пробиштип управувал со автобусот, кој се движел во правец од Крива Паланка кон Куманово.
Од ударот патничкото возило се превртело и излетало од патот при што од страна на лекар од Медицински центар Куманово е констатирано дека двете лица од возилото починале на лице место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
