Ова е осомничениот бомбаш-самоубиец кој го разнесе тролејбусот во Волгоград

Првичните информации од истрагата на руските безбедносни служби покажале дека вториот бомбашки напад во Волгоград го извршил Павел Печенкин, со потекло од градот Волжск, во републиката Мари Ел, а на бунтовниците им се приклучил во 2012 година, јави Гласот на Русија.

Според информациите, осомничениот 32-годишен бомбаш-самоубиец претходно работел како болничар. Кога заминал да им се придружи на милитантите во Дагестан во пролетта 2012 година на родителите им оставил пишана порака, а оттогаш со нив контактирал само два-три пати преку интернет. Татко му и мајка му отишле во Дагестан во септември годинава за да го побараат, но не успеале да го најдат, па затоа му пратиле снимена видеопорака и се вратиле назад. Во меѓувреме, нивниот син прифатил ново, исламско име, Ансар ар Руси.

Печенкин е осомничен дека го разнел тролејбусот во Волгоград, при што загинаа 14 луѓе, а повеќе од 30 се повредени. Позитивната индентификација ќе биде потврдена откако ќе заврши ДНК-тестот.

Tweets by @onlinerepublika

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.