Пожар проголта куќа на улицата 176 во Тетово во која живееле И.И.(26) и неговиот татко. Според информациите од тетовската полиција, пожарот избувнал ноќеска околу 1 часот по полноќ.
Според 26 годишниот И.И., тој ставил поголема количина дрва во печката и излегол од куќата. Кога се вратил, куќата веќе била во пламен. И покрај напорите на пожарникарите кои го локализирале пожарот околу 4 часот, куќата целосно изгорела.
Првичната материјална штета се проценува на околу 15 илјади евра. Полициските екипи вршат увид на местото, информираат од полицијата за МИА.
Неофицијално, причина за пожарот е неисчистен оџак што се запалил.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
