Македонската поп-принцеза Каролина Гочева за новогодишната ноќ ќе настапува дома, пренесува битолскиот веб-сајт „шеталиште.мк“. Ова е првпат по многу години таа да им пее на битолчани за дочек на Нова година. Воедно, Каролина ќе биде единствената што таа вечер ќе пее на плоштадот „Магнолија“.
Според веб-сајтот, Општина Битола ги одбила сите пристигнати понуди од изведувачите и групите и вчера им било кажано дека единствен изведувач годинава ќе биде Каролина Гочева.
За настап на битолскиот плоштад на 31 декември се надеваа групата „Памперс“, Виктор Апостоловски, „ Паркети“ и други битолски музичари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
