Денеска со танцување и песна ќе биде погребан Мандела

Нелсон Мандела, поранешниот претседател на Јужноафриканската република (ЈАР) ќе биде погребан денеска во неговото родно село Куну. На неговиот погреб ќе присустуваат повеќе од 4.500 луѓе меѓу кои и многу странски гости.

Ковчегот со телото на Мандела еден ден пред погребот е донесен во неговото родни место, а членовите на неговото семејство учестуваа во традиционалното ноќно бдеење покрај телото и ритуалниот танц и песните со кои се слави животот на Мандела и неговото патување во другиот свет.

Мандела ќе биде закопан во семејната гробница, покрај неговата мајка и своите три деца. Ќе биде погребан според тамошните обичаи, односно ќе се пеат песни во кои се слави неговиот живот и делување.

Додека беше изложено телото на Мандела во Преторија, најмалку 100 илјади луѓе му оддадоа последна почит, збогувајќи се со борецот за правата на Африканците.

Мандела почина на 5 декември во 95 година од животот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.