Премиерката на Данска, Хеле Торнинг Шмит е прва жена на оваа позиција од 3 октомври 2011 година. 46-годишната Шмит важи за неконвенционален лидер според мерилата на повеќето земји, пишува српски „Блиц“. Згодната блондинка што флертува со задоволство, ги наведува светските лидери на лоши работи – како самофотографирањето со Обама и со Камерон на комеморацијата на Нелсон Мандела, и со гордост шета со гардероба од познати марки. Данците ја нарекуваат „Гучи Хеле“.
Данската премиерка меѓутоа умее вешто да го искористи својот сексапил и елеганција, а приоа свесно гради имиџ на екстравагантна и самостојна личност. Ужива во вниманието на медиумите, затоа што знае дека тоа и носи гласови.
Торнинг Шмит максимално го искористи својот сексапил и за време на изборите во 2011 година. Подоцна било утврдено дека најчестиот збор покрај нејзиното име, кој бил употребуван на пребарувачот „Гугл“ за време на предизборната кампања бил „гола“. Не е јасно дали данските гласачи очекувале на интернет да најдат нејзина фотографија без облека или наивно се надевале. Набрзо по изборите, следувале приказни за нејзините скапи и суетни навики. Секоја нејзина луксузна чанта од марката „малбери“ чини меѓу 7.000 и 10.000 евра. Тамошните медиуми тврдат дека е опседната со ботокс за да го зачува младешкиот изглед.
Во нејзиниот приватен живот ја следат скандали поврзани со нејзиниот сопруг Стиген Кинок, син на угледниот британски политичар Нил Кинок. Сопружниците живеат одделно, а Кинок де престојува, де не престојува редовно во Данска. Овој неконвенционален животен стил наметнал шпекулации дека нејзиниот сопруг е бисексуалец или хомосексуалец, за што Хеле тврди дека не е вистина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
