Стивен Кари одигра блескава партија баскет против Шарлот бобкетс, постигна 43 поени, но, сепак, неговиот тим Голден стејт вориорс загуби со 111-115 на гостински терен.
Кари постигна 32 коша во второто полувреме, 19 од нив во последната четвртина, а имаше одличен ривал во Кемба Вокер. Бекот на Шарлот забележи 31 поен и беше непогрешлив кога се одлучуваше мечот. Тој ги постигна последните 15 поени на мечот за домашниот состав. Џералд Хендерсон забележи 24 поени за Шарлот, а на спротивната страна Клеј Томпсон даде 22 поени.
Убав белег на ноќешната програма од 6 натпревари остави и центарот на Сакраменто кингс, Демаркус Казинс, со 32 поени и 19 скока, што е импресивно достигнување. Кингс славеа против Далас со 112-97.
Резултати: Шарлот – Голден стејт 115-111, Филаделфија – Л.А. клиперс 83-94, Вашингтон – Денвер 74-75, Мемфис – Орландо 94-85, Јута – Портланд 94-105, Сакраменто – Далас 112-97.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
