По одличната сезона во која Баерн освои тројна круна, шпанскиот тренер Пеп Гвардиола на клупата на баварскиот гигант продолжи да реди победи и да урива рекорди. Баерн во последното коло од групната фаза во Лигата на шампиони го дочекува Манчестер сити, а Шпанецот повикува на нова победа.
– Второто место не е опција за Баерн во ниедно натпреварување. Манчестер сити е опасен тим, може да направи чудо во противничкиот казнен простор, а ние нема да им го дозволиме тоа. Не сакаме никому да му го препуштиме првото место во групата, Баерн секогаш игра на победа – рече Гвардиола.
Во првиот натпревар на овие два тима во оваа сезона на Лигата на шампиони Баерн на гостински терен славеше со 3-0, така што само со убедлива победа Англичаните ќе дојдат до првото место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
