НБА тимот Индијана Пејсерс го доби дерби дуелот на гостински терен против екипата на Сан Антонио Спарс со 111-100. Ова беше еден од осумте дуели во синоќешната програма на најслината лига во светот. Сан Антонио не успеа да го одбрани домашниот терен и заслужено потклекна пред играчите на Индијана во дуел кој дури седум играчи на гостите имаа двоцифрен број на поени. Клучен момент на натпреварот беше повредата на првиот центар на Сан Антонио Тиаго Сплитер на крајот на третиот период од играта.
Најефикасен на паркетот беше Пол Џорџ со 28 поени, а по него следеа Дејвид Вест со 20 и Ленс Стивенсон со 15 поени.
Кај поразените Кавај Ленард беше стрелец на 18 поени, Џинобили додаде 16 и Тони паркер 13 коша. Очајна вечер имаше ветеранот Тим данкан кој постигна 10 поени со очаен шут од поле 3/10.
Резултати:
Јута – Сакраменто 102:112 (продолжение), Сан Антонио – Индијана 100:111, Милвоки – Бруклин 82:90, Минесота – Мајами 82:103, Мемфис – Голден Стејт 82:108, Чикаго – Детроит 75:92, Кливленд – ЛА Клиперс 88:82, Филаделфија – Денвер 92:103.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
