Времето претпладне во Македонија ќе биде облачно проследено со слаби врнежи од снег во западните и северните делови. Преку денот облачноста ќе се намалува и насекаде ќе преовладува сончево со умерена облачност. Ќе дува умерен до засилен северен ветер.
Утринската температура ќе се движи од минус пет до еден, а дневната од еден до пет степени.
Во Скопје во раните утрински часови ќе провејува слаб снег, а преку денот ќе биде сончево со умерена облачност. Ќе дува умерен, повремено засилен северен ветер. Утринската температура ќе се спушти до минус еден, а дневната ќе се искачи до три степени.
Во наредните два дена до вторник ќе биде стабилно и суво со ниски утрински температури. Од вторник се очекува студено и ветровито време со провејување на локален слаб снег и опаѓање на дневните температури.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
