Гатузо: Не можам да ги гледам жените во фудбалот

Поранешниот фудбалер на Милан, Џенаро Гатузо, застана во одбрана на сегашниот директор што ја напушта функцијата во клубот, Адриано Галијани.

Потпретседателката на „росонерите“, Барбара Берлускони, побара замена за Галијани, што со сигурност не му се допадна на Гатузо.

– Сметам дека човек каков што е Адриано Галијани заслужува повеќе почитување поради тоа што го направи за клубот и сите резултати кои ги постигна во изминатите години. Не сакам да го кажам ова, но, навистина, не можам да ги гледам жените во фудбалот – рече Гатузо.

Според него, оваа година Јувентус е главниот фаворит за освојување на Серија А, но му се допаѓа и овогодинешниот тим на Рома.

– Јувентус, дефинитивно, е главниот фаворит за освојување на „Скудетото“, јасно ја покажува желбата за победа. Сепак, морам да ги пофалам и одличните натпревари на Рома, ќе биде ова интересно првенство – додаде Гатузо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.