Груевски на деловен форум во Лондон

Во Лондон денеска ќе биде одржан форум за презентација на македонската деловна клима на кој премиерот Никола Груевски, заедно со вицепремиерот и министер за финансии, Зоран Ставрески, министерот без ресор Веле Самак и директорот на Дирекцијата за технолошко-индустриски развојни зони, Виктор Мизо, ќе ги презентираат можностите за инвестирање во Република Македонија.

Форумот се организира во соработка со реномираната групација „Фајненшл тајмс“, која учествува во организирањето на настаните со цел привлекување странски инвеститори, јави МИА.

– Ова ни е прво роуд шоу што го правиме заедно со „Фајненшл тајмс“. Досега организиравме со сопствени капацитети, но овојпат го вклучуваме „Фајненшл тајмс“ со кој направивме многу добар аранжман и се надеваме дека ќе имаме добри гости кои ќе дојдат да ја слушнат приказната за Македонија насочена кон привлекување странски инвестиции и отворање нови работни места – иделовенстакна премиерот Груевски веднаш по пристигнувањето во Лондон.

На форумот во Лондон, покрај обраќањето на премиерот Груевски, презентации за инвестициските можности на Македонија ќе одржат и претставници на „Џонсон Мети“ и на корпорацијата „Кемет електроникс“. Според програмата, ќе има и едночасовна панел- дискусија во рамките на која ќе се обрати министерот Ставрески, по што ќе следат презентациите на министерот Самак и на директорот Мизо.

Премиерот Груевски вчера имаше средба со претседателот на ЕБРД, Сума Чакрабарти, а ја посети и лондонската Кралска болница.

Од Лондон, македонската делегација попладне заминува за Париз, каде што ќе се одржи уште еден форум за презентација на можностите за инвестирање во Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.