Истрагите за кривични дела во рацете на Јавните обвинители

Стапи во сила новиот Закон за кривична постапка со кој комплетната истрага за кривичните дела и сите наредби околу водењето на истрагата ќе ги дава Јавниот обвинител. Истражни судии нема да има, а полицијата при истрагата ќе работи под команда на Обвинителството.  Обвинителите се надлежни за прибирање на доказите и гонење на сторителите на кривичните дела.

-При сторено кривично дело на лице место излегуваа истражен судија, јавен обвинител и полиција и судијата ја води постапката, со новиот закон обвинителот и правосудната полиција ќе излезат на лице место и ќе водата истражна постапка , во однос на известувањето секоја инситуција си ги задржува обврските- изјави Марко Зврлевски, државен јавен обвинител.

Наместо истражни, назначени се судии за претходна постапка, кои по барање на обвинителот ќе издаваат наредби за претреси и приведување, а ќе одлучуваат и за мерка притвор. Правосудната полиција пак ,според Зврлевски веќе започнала со работа.

-Правосудната полиција е составена од сите полициски службеници кои работеле на крим – истрага исто како и другите органи кои досега беа инволвирани, се дел од оваа полиција. За своите постапкаи правосудната полиција ќе одговара пред надлежниот орган односно полицијата, а обвинителот не е апсолутен шеф- рече Зврлевски.