ЈO ќе ги гони оние кои фотографираат гласачи и го попречуваат гласањето

Комисија за следење евентуални противправности сторени при организирањето и спроведувањето на референдумот извести дека континуирано ги следи сите случувања поврзани со гласањето.

Од Јавното обвинителство на Република Македонија велат дека објавувањето на фотографии на гласачи е противправно дејствие кое го нарушува процесот на гласање и претставува попречување на правото на гласање.

„Ја известуваме јавноста дека секое сликање, снимање на гласачи при остварување на нивното право, како и било какво попречување на гласањето и процесот на спроведување на референдумот не се дозволиви согласно на закон. Вакви дејствија преземени во текот на процесот на гласање, ќе бидат предмет на приоритетно постапување на јавното обвинителство“, се наведува во соопштението на ЈОРМ.

Од Обвинителството додаваат дека Комисијата продолжува перманентно да го следи процесот на гласање, за што се воспоставени и дополнителни дежурства во јавните обвинителства. За евентуално извршени кривични дела и поведени постапки против сторителите јавноста ќе биде информирана.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.