Денес во утринските часови ќе има појава на слаба магла, а во текот на денот ќе биде умерено облачно со сончеви периоди.
Ќе дува засилен јужен и југоисточен ветер, а во западните предели – југозападен ветер. Утринската температура ќе се движи од -6 до 1 степен, а максималната дневна температура ќе биде од 6 до 14 степени Целзиусови.
Во Скопје ќе биде умерено облачно, со сончеви периоди и ќе дува засилен југоисточен ветер. Утринската температура ќе биде под нулата, а максималната дневна ќе достигне до 10 степени.
Утре ќе биде облачно со врнежи од дожд, а на планините над 1.000 метри со врнежи од снег. Во текот на ноќта врнежите од дожд ќе преминат во врнежи од снег и во пониските предели, освен во југоисточните предели. Ќе дува засилен југоисточен и југозападен ветер, кој во попладневните часови ќе го промени правецот во северозападен и североисточен ветер. Температурата ќе биде во значително опаѓање.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
