„Мадона и дете“ на Ботичели продадена за повеќе од 10 милиони долари

Сликата „Мадона и дете“ на еден од најпознатите италијански сликари Сандро Ботичели е продадена за 10,4 милиони долари на аукција во куќата „Кристи“ во Њујорк. Сликата на Ботичели е продадена за двапати повеќе од очекуваното. Сликата потекнува од 1490 година и е продадена на анонимен купувач и тоа само неколку минути по лицитирањето. Ова е рекордна цена за слика на Ботичели. Досега најскапо продадена слика на Ботичели чинела 7,5 милиони долари и била продадена во 2006 година.

Инаку, целото име на сликата на Ботичели е „Мадона и дете со младиот Јован Крстител“ популарно уште се нарекува и „Мадона на Рокфелер“ бидејќи во триесетите години на минатиот век ја поседувал еден од најбогатите луѓе на светот, Џон Д. Рокфелер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.