Две деца на воздраст од 3 и 9 години се повредени во напад со експлозив врз семејна куќа во Косовска Мировица. Непознато лице фрлило направа низ прозор во семејна куќа во етнички мешаната населба Бошњачко маало.
Децата не се во животна опасност, известуваат од болницата. Тие со нивната мајка, за среќа, биле на терасата. Полицијата работи на случајот. Ова е втор напад за 24 часа во северниот дел на Косовска Митровица.
Српскиот премиер Ивица Дачиќ најостро го осуди нападот. Порача дека нападите го загрозуваат мирот на Косово, а ги отежнуваат и преговорите меѓу Белград и Приштина. Побара меѓународните сили да гарантираат безбедност за сите.
Според Административната канцеларија на Северна Митровица ова е апсолутно неприфатливо и дека „се отишло предалеку“.
„Ова не смее да се толерира, ова дело не смее да остане неказнето. Со овој напад се отиде предалеку. Сега мора да реагираат сите кои би можеле да влијаат и да сторат се за да се запре хаосот, независно за кои институции работат“, соопшти Адријана Хоџиќ шефица на канцеларијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
