Балотели игра за Милан, а мисли на Интер

За кој клуб моментално игра Марио Балотели? Италијанскиот фудбалер, најверојатно, ни самиот не знае бидејќи во една изјава за медиумите тој рече дека едвај го чека мечот со Болоња, која во наредното коло игра со Интер.

Репрезентативецот на Италија така покажа дека повеќе размислува за неговиот поранешен тим отколку за сегашниот Милан, кој во наредното коло во Серија А ќе се сретне со Џенова.

– Не размислувам за иднината, едноставно што ме интересира е натпреварот со Болоња – рече Балотели, со што ги збуни присутните новинари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.