Награда за фотографиите на Глигор Максимовски, Дарио Королија и Милош Тончевски во Србија

Кумановскиот фотограф Глигор Максимовски доби диплома на третата по ред меѓународна изложба на уметничка фотографија „Чачак 2013“, а Дарио Королија и Милош Тончевски се наградени во Сомбор, Србија.

Фотографијата на Максимовски е насловена „Куманово 2012“ и е наградена во конкуренција на 3.121 фотографија од 264 автори од 57 држави.

Од 343 пристигнати фотографии од 57 автори, Дарио Королија освои прва награда за колекција, а Милош Тончевски освои трета награда за фотографија.

– Ова е уште една потврда дека ФКК „Козјак“ е еден од најактивните фотоклубови во Македонија, а нашите членови се најмногу наградувани како на домашни, така и на меѓународни изложби на уметничка фотографија – велат од клубот.

Од ФКК „Козјак“ објаснуваат дека бесплатните курсеви за уметничка фотографија и фотопрезентациите помагаат младите да постигнат такви резултати.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.