Сандра Стефановска на избор на Мис во Тајланд

Во недела вечер во Бангкок, Тајланд ќе се одржи изборот за Мис Гранд Интернационал 2013. Македонија ќе ја претставува 20-годишната Сандра Стефановска од Скопје. Ова е нов избор за убавина и се одржува за прв пат.

Сандра веќе две недели е на Тајланд, каде заедно со уште 90 девојки од исто толку држави од целиот свет се подготвува за големото финале.

Таа во 2012. година ја освои титулата Мис на Македонија за Мис Глоуб и на изборот за Мис Глоуб истата година се пласира во финале, во најубавите 10 и на крајот по поените од жири комисијата го освои шестото место, а подоцна на изборот за Мис на Медитеранот исто така направи убав успех освојувајќи го четвртото место, односно титулата трета придружничка.

Сандра е членка на Модното студио Црнокрак кое ја има лиценцата за Мис Гранд Интернационал за Македонија и кое се погрижи за нејзиниот пат и престој на Тајланд.

Таа на финалната вечер ќе се претстави во модели на Елена Лука.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.