На прославата на 20-годишнината од првиот натпревар со Словенија, легендата на македонскиот фудбал Андон Дончевски не дочека средба со Дарко Панчев, тандем што многу пати му донесе радост на Вардар и на неговите симпатизери. Популарната Кобра не дојде на јубилејот, што го налути неговиот поранешен тренер, Андон Дончевски.
Се смири ли тензијата по Вашата изјава дека Панчев Ве разочарал со своето отсуство од прославата на 20-годишниот јубилеј?
– Дарко ми е како син и јас го почитувам. Ме боли само постапката. Тој е една големина, и фудбалска и како човек, но погреши што не дојде. Јас допатував од Австралија за да го испочитувам денот, 20 години од првиот меч на Македонија. Ми остави тага во срцето. Прославата не беше за ФФМ, за претседателот, за раководството, туку токму за Дарко и за генерацијата. Веднаш прифаќам да се смират страстите, но Дарко треба да дојде кај мене. Ќе го гушнам и бакнам како свој син. Само за постапката му се лутам, инаку тој е мој син, мое дете. Секогаш ќе ми биде во срцето, но овојпат погреши. Помлад е од мене и затоа треба да ми се јави, да дојде.
(Целото интервју со Андон Дончевски може да го прочитате во новиот број на неделникот Република кој е во продажба од денеска, 15 ноември)
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
