„Авалон продукција“ за крај на оваа година го договори настапот на моментално најбараната светска атракција „Рудиментал“ (Rudimental).
Британскиот драм-ен-бејс состав доаѓа во Скопје на 15 декември, во салата „Експо центар“, каде што со незаборавен диџеј сет ќе го претстават пред македонската публика својот дебитантски албум „Home“.
„Рудиментал“ доаѓа во Скопје во склоп на нивната светска турнеја. Еден ден пред настапот во Скопје имаат свое шоу во спортската сака „Христо Ботев“ во Бугарија, која, како што јавуваат колегите од Бугарија, речиси е распродадена. „Рудиментал“ го потврди и своето новогодишно хедлајн шоу заедно со „Продиџи“ во „О2 арена“ во Лондон, а секако за издвојување е и нивниот настап на фестивалот „Сноубомбинг“ во Австрија, повторно заедно со „Продиџи“, но и со „Кемикал брадерс“.
Како гостин на „Рудиментал“ во Скопје со свој диџеј сет ќе настапи еден од најпопуларните балкански диџеи SevdahBABY.
Сите информации за продажбата и за цената на влезниците ќе бидат познати в петок, 15 ноември.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
