Игуаин среќен во Наполи

Новиот фудбалер на Наполи, Гознало Игуаин, рече дека во поранешниот клуб за кого играше, Реал Мадрид, не верувале во него, а тоа било причината за тој да ја промени средината.

Игуаин летоска се пресели во Наполи од Мадрид, каде што играше од 2007 година, а тимот на Наполи мораше да одвои 42 милиони евра за неговите услуги.

– Во Реал имав чувство дека морам секогаш да се докажувам иако давав голови на претходните натпревари. Сѐ е полесно кога имате поддршка од соиграчите и тренерот. Нормално, не ми беше лесно да ја донесам одлуката и да заминам од Реал. Таму одиграв неколку сезони на највисоко ниво, но ми требаше нов предизвик. Сега во Наполи се чувствувам одлично – рече Игуаин.

Аргентинскиот фудбалер во досегашната сезона за Наполи одигра 12 меча и постигна шест гола, а екипата на Наполи го дели второто место со Јувентус на табелата во Серија А.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.