Кошаркарите на Мајами хит, актуелните НБА-шампиони, веќе во второто коло го запишаа нивниот прв пораз на гостувањето кај Филаделфија.
Домашните играчи славеа со резултат од 114-110 после одлично одиграната последна четвртина, но, сепак, пресудно за победата беше убедливиот старт на домаќините кои водеа со 21-2.
Заслужни за победата беа Картер Вилијмс, кој даде 22 поена и седум скока, и Еван Тарнер со 26 поени, додека, пак, кај гостите Леброн Џејмс постигна 25 поени и 13 асистенции, а Двејн Вејд го гледаше од клупата поради повреда на коленото.
Актуелните видешампиони, играчите на Сан Антонио, ја отворија сезоната со победа над тимот на Мемфис со 101-94. Од тимот на Спарси шест играчи се запишаа со двоцифрен број поени, што беше клучно за победа на домаќините.
Голден стејт го декласираше Лејкерс со 125-94, а најзаслужен за тоа беше Томпсон, кој даде 38 поени.
На денешните натпревари беа забележани следните резултати:
Кливленд – Бруклин 98:94
Филаделфија – Мајами 114:110
Торонто – Бостон 93:87
Детроит – Вашингтон 113:102
Њујорк – Милвоки 90:83
Њу Орлеанс – Индијана 90:95
Хјустон – Шарлот 96:83
Минесота – Орландо 120:115 (103:103)
Далас – Атланта 118:109
Сан Антонио – Мемфис 101:94
Јута – Оклахома Сити 98:101
Феникс – Портланд 104:91
Сакраменто – Денвер 90:88
Голден Стејт – ЛА Лејкерс 125:94
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
