Екипата на Мајами „Хит“ во одбраната на шампионската титула во конкуренцијата ќе тргне во дресови на кои натписите ќе бидат отпечатени со златна боја.
Се чини дека „Жешките“ имаат дури и посилен состав од оној кој во минатосезонската финална серија успеа да триумфира против Сан Антонио „Спарс“ со 4-3.
Нови адути на тренерот Ерик Споелстра се рехабилитираниот прв „пик“ од НБА „драфтот“ во 2007-та, Грег Оден, како и Мајкл Бизли, кој поради користење марихуана претходно мораше да си замине од Феникс „Санс“.
Првата ѕвезда на екипата и натаму е Леброн Џејмс, а под знак прашалник ќе биде настапот на Двејн Вејд, кој во претходната завршна серија практично играше со повреда, поради проблеми на коленото.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
