Претседателот на судот побара од претставниците на политичката партија да направат јасна дистинкција меѓу основаното сомнение поради кое се води постапка пред овој суд наспроти желбата на политичката партија да му се помогне на својот сопартиец без да бидат добро информирани за причините и за основите поради кои се води оваа постапка – велат од Основниот суд Скопје 1.
Преку соопштение претседателот на судот побара од присутните високи претставници на политичката партија да се оградат од судската постапка и дејства на судот, а политичкото дејствување да го реализираат надвор од институциите на судскиот систем.
Ваквата изјава од судот доаѓа по денешните случувања пред судската зграда откако претседателот на Советот на Општина Центар, Мирослав Шиповиќ, беше приведен во Виена поради сомнение за криминал тежок еден милион евра направен во скопската фирма „Машинорпмет“, каде бил претседател на Управниот одбор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
