Демократскиот сојуз со протест до МТВ зашто го прекинале говорот на Тони Блер?

Демократскиот сојуз изразува протест поради неможноста граѓаните на Република Македонија да го проследат во живо говорот на Тони Блер, поранешен премиер на Велика Британија.
„Вчеравечер, во МНТ се обрати Тони Блер, поранешен британски премиер, во рамките на Сахара Балканскиот мировен фестивал, но Македонската телевизија го прекина преносот за време на неговиот говор“, се наведува во соопштението на партијата на Павле Трајанов.
Поради тоа што интересот за настапот на Тони Блер бил огромен, Демократскиот сојуз бара организаторот на овој фестивал да им овозможи на граѓаните да го проследат „овој исклучително инспиративен говор“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.