Поранешниот британски премиер Тони Блер денеска одново побара британските гласачи треба да добијат втора шанса да се произнесат за одлуката за излез на Велика Британија од Европската унија, откако ќе бидат јасни условите за Брегзитот.
Блер посочи дека Лабуристичката партија, што тој ја предводеше 13 години, треба активно да се спротивстави на Брегзитот, наместо да се согласува со плановите на британската премиерка Тереза Меј.
– Сакам да кажам нешто, многу, многу просто: во 2016 година вие знаевте дека саката да излезете од ЕУ, но не ги видовте условите за алтернативниот однос со неа. Ако, откако ќе ги видите тие услови, мислите дека е подобро да останеме во Унијата, имате право да се изјасните по тоа прашање – нагласи поранешниот британски премиер.
Тој додаде дека ставот на лидерот на британските лабуристи Џереми Корбин за Брегзит, кој го поддржува излезот на Велика Британија од Унијата, е погрешен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
