Дуња Иванова вечерва настапува во Македонскиот културен центар во Њујорк

Пијанистката Дуња Иванова вечерва ќе одржи концерт во Македонскиот културен центар (Gallery MC) во Њујорк со дела од современите композитори Лудовико Еинауди и Филип Глас, кои првпат ги изведе на солистички концерт на годинашното „Скопско лето“.

Гостувањето на Иванова во Њујорк е дел од Програмата на Министерството за култура за 2013 година.

– Њујорк е, несомнено, градот во кој нештата во ниту еден момент не стивнуваат. Деновиве пред концертот ме инспирираат поинакви доживувања. Со пријатна возбуда го чекам 3 октомври кога во „Галери MЦ“ на Менхетен и јас ќе ја добијам шансата на овој нескротлив град  да му подарам дел од себе. Еинауди и Глас се автори што на оваа територија и тоа како се популарни, па очекувам дека публиката ќе умее да ужива и во мојата интерпретација – изјави Иванова.

Настапувала во Париз, во Рагуза, Сицилија, на Сараевска зима, и на домашните манифестации „Охридско лето“, „Музика вива“, Денови на македонска музика, „Скопско лето“… Автор е на книгата „Естетското доживување на музиката“ (2010).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.