„Виноскоп“, местото каде што секоја есен уживаме во доброто вино и музиката, онаму каде што се случуваат урбаните приказни во градот, кои долго се прераскажуваат, баш таму каде што љубовта и среќата го исполнуваат духот на метрополата.
Традицијата се негува, по седми пат во Скопје ќе се одржи реномираниот вински фестивал „Виноскоп“. Од 16 до 20 октомври подгответе се за петдневно будење на сите ваши сетила. Вкусете ги најдобрите македонски вина, придружени со деликатесна храна и добра музичка програма, во кои со сигурност ќе уживате.
Велат дека во виното е вистината, а вистината е една, следуваат пет дена на прослава со пијалакот на боговите, различни вкусови, различни бои и мириси испреплетени со традицијата на убавото македонско вино, храна и музика.
Не пропуштајте, украдете по некој миг, вкусете добро вино и продолжете ја традицијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
