Реглинг: На Грција ќе и треба трет пакет за спас

Првиот човек на Европскиот стабилизациски фонд, Клаус Реглинг, смета дека Грција е „најтешкиот случај“ меѓу земјите погодени од должничката криза и ќе и биде потребен трет пакет за спас.

Во обраќање пред Комисијата за економски и финансиски прашања на Европскиот парламент, Реглинг изјави дека по завршувањето на вториот пакет за спас, на Грција ќе и биде потребна дополнителна помош.

Оваа изјава на Реглинг е спротивна од ставот на раководителот на Европската централна банка, Маруио Драги, кој пред два дена рече дека засега е рано да прогнозира дали на Грција ќе и биде потребен трет пакет со помош.

Со двата досегашни пакет за спас на Грција и беа доделени позајмици во висина од 250 милјарди евра.

Реглинг оцени дека реален проблем со кој се соочува Грција е „бегството на компаниите“, но изрази надеж дека тој ќе биде надминат со подобрувањето на економската ситуација во земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.